Die Angkor Tempel bei Siem Reap

Biz nördlich vu siem reap lieht en mystische ort voller alte religiöse bauwerk, die weltbekannte angkor tempel. Die us verschiedene epoche stammende tempel i dem riisige gebiet sind unbeschrieblich idrücklich und versetzed eim zrugg id vergangeheit. Mer brucht mindestens 3 täg zum s meischte gseh und es isch extrem astrengend wege de lange weg und de gnadelose hitz. Mir händ eus zudem am 1te ruhetag nachem templeseeing e liechti lebensmittelvergiftig zuezoge und sind am end vum 2te bsuechstag völlig entchräftet zämegsackt. Nacheme wiitere ruhetag mehrheitlich im bett simer denn am letschte tag no 40 km entfernt de heilig buddha, e wiiters steibauwerk us alter ziit sowie en wasserfall go bsueche und händ nach dem heiligtümer und tempel marathon einersiits spektakuläri iidrück gunne und anderersiits d schnauze gstriche voll vu tempel jeglicher art ;)