Ufem weg nach Ko Tao simer no schnell uf Ko Panghan ane chlini goaparty, die einzig fotografisch Erinnerig isch aber nur de bungalow truuthahn, wo jedem roller nagjagdt isch und en büschel kokospilz.. :) die insle hämer nur churz bsuecht aber isch uf jede fallen bsuech wert. Die ville lüüt verteiled sich sehr guet und es bliibt erstuunlich gmüetlich.
Uf Tao denn hämer dörfe e superentspannti wuche mit Vreni & Andy gnüsse mit inselerkundig ufem scooter (Vreni ohni helm!), jede abig guet esse imene andere resti, fuulenze am pool, schnorchle, die chli nachbarinsle go bsueche, fuulenze am pool, sünnele am strand und jede abig uf de terrasse z vierte en friedliche apero neh.
Mir säged uf dem weg namal ganz fescht danke für die ziit und die unvergessliche erinnerige, isch supercool gsi mit eu, händ eus mega wohl gfühlt :)
dicke gruess und kuss eu
