2. Teil vu eusem Goa Experiment, de Sil isch acho, im erschte Moment biz verdatteret, wahrschindli ab de Schare vu dunkle indische Gsichter wo sich am Flughafe uusgang tummlet händ.. ;D
D Bungalow sind bezoge und me hät die erste Bier agstosse. Und die nächste.. u.s.w. :)
Nach es paar Täg umefuule undere Party dezwüsched hämer eus zwei Scooter gno und sind 40km entfernt zumene Fluss gfahre, vo wo mer denn no öpe drüviertel stund dur de Dschungel zum Wasserfall gwanderet sind. Perfekti Erfrischig.
De Sil und de Manu sind debii natürli erst richtig in Adventure-Stimmig cho und händ sich es paar Täg druf und e Party dezwüsched bim Canyoning mit Seil vu Felse gschwunge und sich id Tüüfi gstürzt. Geeiil! :):)
Wieder es paar Täg und e Party sind vergange, die 3 Abentüürer mached sich uf, die mysteriösi und verfluchti Halbinsle "Monkey Island" z erforsche. Anschienend isch jede Bsitzer vu dere überwucherete Venusfalle bisher entweder gstorbe oder bankrott gange.
Mir händs überlebt und dichte Dschungel, felsigi Ufer und steili Klippe gfunde. Und eusi Iniziale hinderlaa, falls in Zukunft öper uf eusi Erfahrig mit dere Horrorinsle zähle will :):)
Abschlüssend chame säge das i dene zwei Wuche s Esse vor allem i eusem "Rock It" Resti eifach richtig lecker gsi isch, s Bier au dank am Sil riichlich gflosse isch und all eusi Erlebnis zäme richtig fett Luune gmacht händ! :D
(Die unvergesslich gwagglige Morge ide 24h Bar inkl ;)
Ps Einzige Wermutstropfe.. Sil, diis Schach i dene 2 Wuche isch eifach unter aller Sau gsi! :D ;)
