Udaipur Romantikur

Nach langer Blogapschtinänz eeentli mal wieder en Iitrag! Mir sind natürli scho siteme Ziitli im Süde une und händ eus nacheme quälend überfüllte Mumbai in Goa id Hängematte gschmisse.

Trotz em chräfteraubende erschte Indieteil ide nördliche Gebiet chömer Udaipur zurecht als chrönende Abschluss vu dem Teil zähle. Die als "Romantic City" benannti Stad isch fründlich und lieht anere wunderhübsche Stell. En für indischi Verhältnis super suubere Fluss ergüsst sich in Pichola-See, wo zmitzt drin s weltberühmte und hochedle Lake Palace Hotel wie ufem Wasser schwümmend useragt und zahligschräftigi Tourischte azieht.

Mir händs eus nach ein zwei Täg ide Stadt uf jede Fall guet gah la und sind mehrheitlich uf de entspannte Tachtetasse vu eusem Guesthouse aztreffe gsi.

Ps. D Betty hät sich amene suscht ruhige und unspektakuläre Tag no unerwartet als Schlangedompteurin und Heldin für verängstigti Israelis und Inder müesse bewiise :)