Nepal... Acho in Kathmandu wird me zerst vome Schwarm Taxidriver belageret bevors im sichere Auto durch die verstopfte Strasse is Zentrum gat. alles isch uf de Strasse, vo Chüä, Hünd, Hüäner sind au all 2beiner chrüz und quer azträffe.
Me händ üs in Thamel, em Backpacker Viertel niederlah und das ganzi 10 täg. Solang chame sich nämli zitneh bis indische visum usgstellt isch (7täg).
Kathmandu isch es absoluts shopping Paradis und warschindlich sbilligste bis jetz... Vo dicke us Wulle od Hanf gfertigte Pullis, Jacke, Schals, Händsche, Chape und und und gats Sortimänt wiiter mit Silberschmuck, Tüächer und nepalesische Assesoires. Simer natürli nöd drum ume cho üs da chli usztobe ;)
Es isch in Nepal grad en Monet vo verschiedenste Fäst und so hämer bim Monkey Tämpel spezielli Zeremonie mit traditioneller Musik chöne gseh.
Uf de Strasse isch vorsicht bote, jede jung Nepales will schnäll din Fründ sie biser merkt das kei Geld zhole isch, trotzdem hämer natürli spaar luschtigi nöd uf allmose luegendi Jungs känneglernt ;)
Fazit: Nepal, Kathmandu, top, schöne schüüche vorgschmack uf Indie ;)
