Hong Kong & 30 Jahr Betty ;)

Hong Kong.. 

Ultramoderni flippigi übervolli Metropole! Uf de Strass isch graduus laufe unmöglich. Es wimmlet vu usgflippte Hongkongianer, vu Werbetafle und unzählige Wulchechratzer, was üs uf de Suechi nach üsere Unterkunft schwierig gmacht hät. Es git kei einzelstehendi Hotel, alles isch irgendwo imene Stock vumene Hochhuus. Die bescht grilliert Ente gits a jedem Egge und au suscht find mer alles was s hungrige Herz begehrt. 

Es absoluts Highlight isch d Iiladig vum Manu für miin 30ischte Geburi imene Top Reschti über de Skyline vode Stadt gsi. Im 41ischte Stockwerk vum Harbour Grand sind eus diversi Köstlichkeite i Spitzequalität serviert worde. Es isch en unbeschribliche, wunderschöne abig gsi ;)

Nägscht Tag mit liechtem Chopfweh hämer üs uf d Suechi nach neue Lederboots gmacht und siehe da.. fündig worde mit je amene Paar Doctor Martens :)

Mer chan in Hong Kong stundelang dur Strassemärt laufe, z empfehle sind stattdesse aber die chline Shops ide Siitegasse und d Secondhandläde. So billig wie me meint isches den doch nöd, für made in china.... :)