Senaru, Lombok

Senaru isch es 1000 seele-dörfli im norde vo lombok. Es isch zimli verschlafe und seinzig vo me würkli mache cha isch dä vulkan zbestiege, wos eim abratet ide rainy-saison wäge rutschgefahr oder eine vo dä schönschte wasserfäll vo indonesie zbewandere. Me händ üs für die ungföhrliche variante entschiede und es isch wahrlich es highlight! Indonesier glaubet das, wämer drin badet, dases eim eis jahr meh schönheit git... ;)

Das idem käffli kei internet gah hät, wünsched mir eu nachträglich en subere und guete rutsch is 2013!!!

Kuta, Lombok

Uf de insle lombok simer, nachdem mer d margarita no bim ichauf vu diverse utensilie für ihres neue dihei begleitet händ, schnurstracks uf kuta im süde, wo super stränd i einsame buchte lieged. Ufem weg det ane durquert mer de monkey forest und d hauptstadt mataram. In kuta isch easy going agseit. Jenes surfer sind uf de suechi nachem ultimative break und de rest chillt ade stränd ume. Nervig und truurig zugliich sind die ville chline chind, wo gschickt werded zum arm- und halsbändeli verchaufe. Astand händs leider nöd mit uf de weg übercho, nur d sorg ums geldverdiene. dennoch hämer es paar ganz süessi exemplar kenneglernt:) Und viel redet besser englisch als öpe en touri. Natürlich trifft mer au die für die gegend typische wasserbüffel a. Und jeni beachdogs am huusstrand. Eine vu dene isch verantwortlich fürs morgentliche fehle vumene bettische flipflop :) Zabig nachem esse hämer eus denn mit euse neue fründe us finnland, em ville und de susa, em karsten und alex vu dütschland, de dreadlock-li vu holland und em local-kim mit riiswii vergnüegt. Und d betty hät de ersti makramewickel inen dready inegflochte! : D

•