En chline traum und nur zum empfehle! Friedliche ort um es paar täg abhänge, mitem velo über dinsle tütterle, im strömende troperäge an wiehnachte es bingtang uf eusere terrasse gnüsse und im meer de seeschlange sali säge. und de riisespinne usem weg gah. So wies usgseht wirds da aber ines paar jahr infolge abholzig, bauerei und vorallem plastikmüll glich usgseh wie in trawangan...
Sbungi isch en hit, im balinesische stil, gekos und hunderti flüge inklusive :) me händ e chläbrigi flügefalle ufgstellt und zur info, isch au e super musefalle ;) das arme ding hämer natürli befreit!
Eusi nachbarin dmargarita, schwiizer uswanderin läbt da mit ihrne geisse und chatze. Morn setzemer mit ihre uf lombok übere und chönd grad na mit ihre es stuck mitfahre richtig monkey forest und schliesslich uf kuta im süde vu lombok.
Keine Kommentare:
Kommentar veröffentlichen