Gschafft! Mer sind in Goa acho, em chlinste Staat in Indie, s Paradies für Uusstiiger, Althippies, Partyvampir und Ruhesuchendi wie mir. Ganz eso lockerflockig isches zwar doch nüm ganz.. Russe händ de Ort entdeckt und mached de Israelis Platz striitig, d Inder händ de Rubel im Fokus, Verchaufsständ werded ein nachem andere usem Bode gstampft und mer chunt ke 5 Meter wiit ohni vu Verchäufer und Rikschafahrer siitlich aquatscht zwerde. Aber es lauft alles friedlich ab, Russepäärli schlendered nebet Chüeh gmütlich d Strass zum Strand durab und hebed immer mal wieder noimed de Chopf inen Lade ide Hoffnig ufes lässigs Souvenir oder es paar Chapati Reschte.
Wo mir acho sind geg endi Oktober isch Palolem, eine vude südlichste Stränd, no zmitzt im Ufbau gsi und zimli ruhig. (Während de Monsunziit werded all Strandhütte zämebroche).
Mir händ eus es billigs Zimmer gschnappt ade Hauptstrass (es git nur ei Strass), eus völlig de entspannte Atmosphäre hii geh und nach es paar Täg fuulenze denn ufgmacht uf d Suechi nach passende Strandhüttli, in freudiger Erwartig uf e willkommeni Abwechslig und Bericherig vu eusere Reis: euse Sohnemann Silvio chunnt uf Bsuech! :):):)
Keine Kommentare:
Kommentar veröffentlichen