S tauchparadies im süde vu Sabah (malaysisch Borneo) um die berühmt insle Sipadan isch en unterwassertraum! Mir händ i vier täg ganzi 12 tauchgäng gmacht a unterschiedliche spots und es isch de hammer gsi! Nicole und Nico händ i dere ziit de open water kurs absolviert und sind denn au no mit eus ein tag go tauche cho. Dbetty isch voll uf die chline nudibrunch abgfahre, vo usgsehnd wie vome andere planet. Es wimmlet nur so vo riese-schildchröt, moräne, oktopus, flamboyant cuttlefish, füürfisch, scorpionfish und na viel anderi strubi kreature...! Da eusi kamera zimmli schrottigi bilder macht unterwasser, hämer vome andere taucher es paar fotene becho vo mit üs am tauche gsi isch. Ade oberflächi häts es seezigünerdorf zum bsueche und mer chan eimal um d insle laufe, was jedoch nöd sehr spektakulär isch. De fokus da lieht definitiv under de wasseroberflächi!
1 Kommentar:
aso, ich weiss ja nöd...ich hett glaub scho ziiimli schiss vor dem, wo eim da under wasser entgege schwümmt,hüpft und springt...ich glaub, ich luegs lieber hinder glas ah... :)
aber xeht hammermässig uus... wüssed ihr überhaupt na, wie mer z.b. en langärmlige pulli aaleit???? bi ois blüejed und dufted d akazie. s isch wie innere parfümeri im moment bi ois i de puszta... druck oi gaaaaaaaaaaaanz fescht. s mamsi
Kommentar veröffentlichen