E holprigi Busfahrt zwüsched Shangri La und Langdu ide Berge hämer eus binere chline Chäsproduktion amene Fluss niederlaa. De Taiwanes womer in Lijang kenneglernt händ hät eus das Örtli empfohle und es hät sich füren churze Abstecher wükli glohnt, nebet de Rueh ide Natur vorallem au zum de hiesig Chäs poschte wo us Yakmilch hergstellt wird. Da händ die zwei Schwiizer natürli Freud gha ;)
No meh Freud hämer gha a dem biz kauzige aber megafründliche chinesische Botaniker namens Joshua, wo jedes Jahr a das Ort chunnt für 2 Mönet, um Pflanze z studiere. Anschienend isch die Region bekannt für ihri eimalig Flora. Mit ihm, em einzige a dem Ort wo englisch hät chöne, hämer interessanti Diskussione über eusi verschiedeni Kulture gha. Und het er eus nöd so viel nützlichi Notize au uf chinesisch ufgschribe, wäremer meh als eimal völlig ufgschmisse gsi!
Keine Kommentare:
Kommentar veröffentlichen