Imene Tal zwüsched Riisfelder und diverse chlinere dörfli uf öpe 1600m ganz im Norde vu Vietnam liehts sympathische, nebelverhangene Sa Pa. Es dient verschiedene Bergstämm ide Umgebig als Marktplatz, um ihri Lebensmittel und handgmachte Gegeständ z verchaufe. S Klima isch agnehm frisch und mir händs richtig gnosse, mal nüme permanent z schwitze.
Die chli Stadt wird sit sie vu Touriste entdeckt worde isch vu herzige traditionell kleidete Bergfraueli regelrecht überrennt, immer uf de suechi nach kauf- oder trekkingfreudige Touris :)
Au mir händ vorgha, mit sonere Frau en Trek zmache, da s aber fast jede Tag mal gregnet hät hämer eus mehrheitlich sitzend i guete Restauräntli, schlendernd ide Stadt und liggend im Zimmer ufghalte :)
Zwei trocheni Täg hämer eus ufen Töff gschmisse und sind d Umgebig go erkunde und händ en Wasserfall bsuecht. Au d Betty isch is gschaltete Fahre igführt worde und scho en grosse Fan vum 2-Rad cruise :D
3 Kommentare:
det xehts aber ziiiieeeemli chalt uus. ...
und d Vegetarier verrüered sicher nöd nume d händ ab oine fotene...
:)
coole blog !!
Danke schön!
@David ,jetz ja nöd schwach werde, du als feinschmöcker! Tatsachen ins AUGE sehen :)
Kommentar veröffentlichen