Nach 12stund im bus vo laos unf vinh (vietnam) hämer inen sleeperbus gwächset und namal 7stund uf vietnamesischer site vor üs gha... üs ischs herz grad mal id hose grutscht wo de jung bussfahrer losbretscht isch, 3-4fachs überhole mit some riise bus, huupe winen schwerhörige, isch bi keinem vo üs übers schlafe nahzdänke gsi. gottefroh simer am 4ri am morge also ide hauptstadt vo vietnam acho, Hanoi. da sind strasse no mänscheleer gsi und mer hät sich nonig erträume lah was da am tag so abgaht! Luut und chaotisch, da gahts ab! Überquere vo de strasse isch jedesmal e challenge, da isch de verkehr in napoli e velofahrschuel degäge. Scooter wohii mer lueget! Me händ usegfunde das warte und luege e ziitufwändigi und zimli erfolglosi aglägeheit isch also hämers de locals nahgmacht und sind eifach dri gloffe, natürli üsserscht agspannt und konzentriert. erstundlicherwiis gits wenig vercherstoti in hanoi. Haar schniide, gebiss oder ohre untersueche wird au ufem trottoir zelebriert. Temperature lönds au s ganz jahr zue. Me händ es topzimmer verwütscht mit klima, chüälschrank und eme wasserchocher, so simer ändli widermal ide gnuss vo 3minute eili cho :) kulinarisch absolut top, öb ime touriresti oder für 40'000dong (2chf) en riese täller verschiedeni unbekannti köstlichkeite vom strasseresti schnabuliert. Und natürli, wi i jedere hauptstadt, häts üs au wieder is kino zoge ;)
1 Kommentar:
tolle bilderli, hoff es seids guad onkimma in chiner =)
Kommentar veröffentlichen