Letschti Station uf dere Reis isch s chline farbige Städtli Mamallapuram ade Ostküste südlich vu Chennai. S Meer isch rau und es gaht en permanente Wind. Agnehm chühl so nach villne Wuche schwitze.
I dem Ort chame berühmti Felsrelief aluege, eis ghört zu de gröschte vude Welt. Imposant vorallem aber die Tempelalage und Tierabbilder, wo all us eim einzige massive Fels useghaue worde sind.
Die Handwerkskunst hät sich bis hüt erhalte und mer chan da diversi Schmuckstückli us Stei erwerbe.
20 Kilometer nördlich simer no e beidruckendi Krokodilfarm go aluege mit hunderte vu dene Viecher und am allerletschte Tag denn uf Auroville, wo mer au die wundersame Black Stones gfunde händ :)
Es isch es mega spannends Jahr gsi mit unvergessliche Erlebnis und lehrende Erfahrige. Aber jetzt isch Ziit cho wo d Heimat rüeft und mir folged mit Freude! :)
Bis glii..
1 Kommentar:
Unsre Reise geht auch gleich zu Ende, aber wir freuen uns auch schon auf zhaus. Es war voll nett, dass wir euch getroffen haben und vielleicht läuft man sich wiedermal irgendwo über den Weg =)
ganz liebe Grüße aus Christchurch
Leni und Michi
Kommentar veröffentlichen